Budyska wokrjesna lutowarnja chce tež pod poćežowacymaj wonkownymaj wuměnjenjomaj, kaž stej to niski niwow danje a přiběrace europske regulowanje bankoweho sektora, klientam dale spušćomna partnerka być.

Budyšin (SN/at). Wosebje lutowarnje su wužadane, w tychle ćežkim času dowěru klientow njezhubić. Budyska wokrjesna lutowarnja je to loni dosć derje zmištrowała, kaž nawoda předsydstwa Dirk Albers wčera na bilancowej nowinarskej konferency zwurazni. 98 000 priwatnych klientow je k tomu přinošowało, zo su zapołožki priwatnikow wo pjeć procentow, 70 milionow eurow, přiběrali. To stopnjuje tež docpětu nachwilnu bilancowu sumu na 1,64 miliardow eurow.