Organizatorojo kaž tež wustajerjo přewšo spokojom

Kamjenc (JK/SN). Nimale 250 wustajerjow z rjemjesła a srjedźneho stawa je na Kamjenskich wikach WIR na předswědčiwe wašnje předstajiło wukonitosć a spušćomnosć tohole za sakske hospodarstwo wažneho regiona. Hižo wot pjatka bě zajim za poskitki jara wulki. Nimo pokazkow rjemjesła a srjedźostawskich předewzaćow je so organizatoram poradźiło, zestajeć wotměnjawy zabawny wobłukowy program za wšě generacije. Tón sahaše wot hudźbnych a spěwnych poskitkow hač k słódnemu wjerškej, kotryž bě pjatk popołdnju.