Wjele swobodnych městnow

Mittwoch, 06. Juli 2016
Artikel bewerten
(0 Stimmen)

Šansa młodostnych na powołanske wukubłanje­ w regionje a tak na perspektiwu we Łužicy je jara dobra. Kóždy pak sej to hišće wuwědomił njeje, kaž Budyska agentura zdźěla.

Budyšin (CK/SN). Dźěłowa agentura wuchodneje Sakskeje registruje tuchwilu hišće 1 518 młodostnych bjez wukubłanskeho městna – 115 mjenje hač před lětom. Porno tomu je 1 291 wukubłanskich městnow njewobsadźenych.

„Wjele młodostnych wě, zo ma dobru šansu na wukubłanje w regionje. Mnozy maja zrěčenje w zaku a pytaja přiwšěm alternatiwu“, rozłožuje šef Budyskeje agentury za dźěło Thomas Berndt. Ryzy ličensce móže w gastronomiji kóždy zajimc mjez dwěmaj městnomaj wuzwolić, w kumštne maćizny předźěłacym přemysle samo mjez dwanaće. Lědma swobodnych městnow pak je w předźěłanju drjewa, w běrowowych powołanjach, w turizmje a za lěkarske pomocnicy. Rozrostło je naprašowanje za šulskimi wotchadnikami, kotřiž chcedźa so z industrijowym mechanikarjom stać. A z 79 ma agentura hišće wosebje wjele městnow za pozdźišich předawarjow, byrnjež so tele powołanje mjez přećemi młodostnych hižo lěta wosebje často jewiło.

Veröffentlicht in Hospodarstwo
Bitte anmelden, um einen Kommentar zu posten

Anzeige