Ducy do piwarnje na Misionskim dworje w Lěskej rěka při durjach čakać. Muž a žona njesu z njeje sud a nastroje k točenju piwa do awta. „To je w lětnim času nimale wšědnje tak. Ludźo sej sud kupja, zo bychu na swójbnych swjedźenjach měli wosebity regionalny napoj“, powěda piwarc Mirko Endt. Štóž nochce swoju chmjelowu brěčku doma pić, móže sej ju w pódlanskim abo wjacorych Drježdźanskich hosćencach słodźeć dać.