Hosćency steja za wudźěłkom

Dienstag, 02. August 2016
Artikel bewerten
(0 Stimmen)
Hosćencarjej Melanie Jursch a Manfred Lüdtke (wotprawa) wjeselitaj so hižo na jědnaty nakład Budyskich žonopowych tydźenjow. To chcedźa wonaj a dalši najznaćiši wudźěłk sprjewineho města wosebje inscenować. Foto: SN/Maćij Bulank Hosćencarjej Melanie Jursch a Manfred Lüdtke (wotprawa) wjeselitaj so hižo na jědnaty nakład Budyskich žonopowych tydźenjow. To chcedźa wonaj a dalši najznaćiši wudźěłk sprjewineho města wosebje inscenować. Foto: SN/Maćij Bulank

Ze žonopowymi tydźenjemi hosći zaměrnje do Budyšina wabić

Budyšin. (SN/BŠe). Po cyłej Němskej znaty wudźěłk – Budyski žonop – wosrjedź sprjewineho města dožiwjenjowpołnje česćić, to chcedźa lětsa jědnaty raz ze zarjadowanjom žonopowych tydźenjow. Cyłkownje pjatnaće hosćencow a barow poskići swojim wopytowarjam potom štyri tydźenje dołho kulinariske pře­kwapjenki kołowokoło wótreje pasty. Mjez nimi staj tež serbskej „Culinarium“ a „Wjelbik“.

„Budyske žonopowe tydźenje su po cyłej Němskej jónkrótne“, měni Frank Haase z Budyskeho towarstwa Staroměšćanska tejka, kotrež zarjadowanje organizuje. Gastronomojo města su so w towarstwje zjednoćili. Zahajić chcedźa ku­linariski wjeršk 16. awgusta na tradicionalnym městnje wosrjedź stareho města w žonopowym wobchodźe, hdźež stej zdobom manufaktura a muzej zaměstnjenej.

Veröffentlicht in Hospodarstwo
Bitte anmelden, um einen Kommentar zu posten

Anzeige