Hdźež fachowcy na hórniskich nasypach hromadźe dźěłaja

Mittwoch, 03. August 2016
Artikel bewerten
(0 Stimmen)
Christina Grätz rozłoži fachowcam Janšojski projekt Zelena wutroba, kotryž bu jako „wuběrne městno“ w Němskej wuznamjenjeny.  Foto: Andreas Kirschke Christina Grätz rozłoži fachowcam Janšojski projekt Zelena wutroba, kotryž bu jako „wuběrne městno“ w Němskej wuznamjenjeny. Foto: Andreas Kirschke

Zelena wutroba zmóžnja nowe žiwjenje. Mjez wjac hač 1 000 požadarjemi za myto „wuběrne městna w kraju idejow 2016“ bu projekt w Janšojcach wuzwoleny. Z wubědźowanjom chcedźa zamołwići pokazać, kak bohata na ideje Němska je.

Zwjazkowe wubědźowanje „wuběrne městna w kraju idejow 2016“ wuznamjenjeny projekt Zelena wutroba w Janšojskej brunicowej jamje zmóžnja najwšelakoriše šansy zhromadneho dźěła. Hórnicy, geologojo, botanikarjo, ratarjo, lěsniscy hospodarjo a ludźo wšelkich druhich powołanjow móža kooperować.

„Projekt ma so zasadźeć za zazelenjenje přirodneje krajiny“, wuzběhny jednaćelka Janšojskeho předewzaća Nagole Re tzwr Christina Grätz na njedawnej ekskursiji fachowcow. Ta wjedźeše zajimcow na 95 hektarow wulku přestrjeń. We wosebitym suchim koridorje mjez dolinu Małks (Malxe-Tal) na juhu a přichodnym Dubojskim jězorom (Taubendorfer See) na sewjeru zwoprawdźa Nagola Re projekt, kotryž šwedski koncern Vattenfall jako nošer financuje. Tak wuspytuja tam wšelake móžnosće wusywa kaž tež posyka a přenošuja hornju worštu pódy.

Veröffentlicht in Hospodarstwo
Bitte anmelden, um einen Kommentar zu posten

Anzeige