Richterec pjekarnja 125lětne wobstaće swjećiła

Dienstag, 30. August 2016
Artikel bewerten
(0 Stimmen)
Kubšiski pjekar Stefan Richter prezentuje tule wobraz z historiskim napohladom swojeje pjekarnje a brošurku k jubilejej.  Foto: Carmen Schumann Kubšiski pjekar Stefan Richter prezentuje tule wobraz z historiskim napohladom swojeje pjekarnje a brošurku k jubilejej. Foto: Carmen Schumann

Kubšicy (CS/SN). Wjele ludźi je minjeny pjatk a sobotu Kubšiskemu pjekarskemu mištrej Stefanej Richterej a jeho nanej Siegfriedej Richterej k 125lětnemu wobstaću tamnišeje pjekarnje gratulowało. Mjez nimi běštaj zapósłanc Sakskeho krajneho sejma Marko Šiman a Budyski krajny rada Michael Harig (wobaj CDU). Wšitcy zwuraznichu swój respekt, zo je rjemjeslniski zawod dlěje hač lětstotk tule tradiciju zachował. Dokelž nanej a synej stawizny pjekarnje jara na wutrobje leža, staj wonaj k jubilejej samo rjenje wuhotowanu brošurku wo stawiznach a přitomnosći wjesneje pjekarnje z nakładom 200 eksemplarow wudałoj. „Mějach začuće, zo dyrbjachmy to činić, wšako­ ma tajka wjesna pjekarnja tež kulturny wuznam“, podšmórny Stefan Richter. Wosebje jeho hnuješe, zo su tež mnozy­ susodźa gratulowali.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND