We Łužicy přirodnje plahowana ryba zaruča wuběrny słód

Stróža/Kamjenej (SN/BŠe). Karp je strowy a słodźi, to njeje žane potajnstwo. Runje nětko nazymu, po wułójenju rybow z łužiskich hatow, je poskitk dosć wulki. Přiwšěm zwěsća jednaćel Chrjebjan­skeho rybarskeho předewzaća Dietmar Müh­le, zo naprašowanje za karpom woteběra. Tónle trend wobkedźbuje tež nawoda biosferoweho rezerwata Hornjo­łužiska hola a haty Torsten Roch. „Z ekologiskeho wida su wudźěłki z domizniskich hatnistwow jasnje lěpše“, wón pod- šmórnje. Krótke transportne puće zaručeja klimje wotpowědne zwičnjenje. Runje­ tak wažne pak tež je, zo hornjołužiscy rybarjo tak přirodnje kaž móžno swoje ryby plahuja. To njetyje jenož jich wuwiću, ale je zdobom wažny přinošk k přirodoškitej, dokelž so biotopy wobchowuja a hladaja.