Z dźaknej akciju poćah ke kupcam skrućili

Donnerstag, 10. November 2016
Artikel bewerten
(0 Stimmen)
Thomas Hieke z Wjazóncy je jedne z hłowych mytow dźakneje akcije wokrjesneho rjemjeslnistwa dobył a so přewšo wjeseleše. Foto: SN/Maćij Bulank Thomas Hieke z Wjazóncy je jedne z hłowych mytow dźakneje akcije wokrjesneho rjemjeslnistwa dobył a so přewšo wjeseleše. Foto: SN/Maćij Bulank

Budyšin (SN/BŠe). Pódla być so wudani. Tajki bě wothłós dźensnišeho přepodaća mytow dobyćerjam, kotřiž běchu so na dźaknej akciji wokrjesneho rjemjeslnistwa wobdźělili. Wot dnja rjemjeslnistwa 17. septembra mějachu ludźo móžnosć so na wulosowanju wobdźělić. Móžachu pak to jeno ći, kotřiž běchu zašły měsac kupcy pola cyłkownje 650 rjemjeslniskich zawodow wokrjesa. Imagowa kampanja měješe ludźi kaž tež sobudźěłaćerjow motiwować. „W rjemjeslnistwje je poćah ke kupcam wažny“, zwurazni předsyda wokrjesneho rjemjeslnistwa Frank Scholze. Wón měješe dźensa česć, w Budyskich rumnosćach wokrjesneho rjemjeslnistwa jedne z hłownych mytow přepodać. Tak wjeseleše so Thomas Hieke z Wjazońcy nad kolesom. „Prěni raz sym so scyła na tajkim wulosowanju wobdźělił a hnydom dobył“, wón překwapjeny rjekny.

Dźaknu akciju rjemjeslnikow běchu po cyłej Němskej druhi raz přewjedli, a 25 rjemjeslnistwow bu wuzwolenych so wobdźělić. Budyske wokrjesne rjemjeslnistwo bě jeničke Drježdźanskeje rjemjeslniskeje komory.

Veröffentlicht in Hospodarstwo
Bitte anmelden, um einen Kommentar zu posten

Anzeige