Podemus buram zmóžnja swoje skoćata w regionje zwičnić

Budyšin (SN/BŠe). Čerstwa zelenina z pola, mloko kruwy susoda abo mjaso skotu bura z regiona su zakłady biowobchodow předewzaća Vorwerk Podemus. Hłowne sydło swójbneho zawoda je štyristronski statok na kromje sakskeje stolicy, kotryž swójba Probst wot lěta 1991 biologisce wobhospodarja a wudźěłki w swójskim dworowym wobchodźe předawa. Mjeztym pak su hižo wjacore dalše nakupowanišća wotewrěli, jedne tajke před štyrjomi lětami w Budyšinje.