Krabatowy młyn na listowej znamce

Donnerstag, 09. Februar 2017
Artikel bewerten
(0 Stimmen)

Budyšin (SN/at). Čornochołmčanski Krabatowy młyn na listowej znamce? Štóž tele dny w předawarnjach abo w internetnym shopje předewzaća PostModern tajku znamku wuhlada, njeje so mylił. Priwatne logistiske předewzaće ze sydłom w Drježdźanach swój hižo šěsć lět trajacy slěd „Fascinacija Sakska“ wot minjeneje wutory z pjeć nowymi motiwami dale wjedźe – dwaj stej łužiskej.

„Běchmy sej w našej projektowej skupinje přezjedni, zo skići Sakska tež zboka hłownych čarow tójšto, mnohim skerje tróšku njeznatych, ale zajimawych ob­jektow“, rjekny Alexander Hesse, marketingowy šef předewzaća na naprašowanje našeho wječornika. Motiw Krabatoweho młyna namjetowaše wón sam, wšako je PostModern kooperaciski partner Krabatoweho festiwala. „Rozsud bě nam lochki. Wěmy wo wuznamje młyna a tamnišeho dožiwjenskeho statoka. W regionje je atrakcija hižo znata, z listowej znamku za 135 centow pak chcemy k tomu přinošować, zo znatosć wosebiteho wulětneho cila zwonka Łužicy dale přiběra“, Hesse rozłoži.

Veröffentlicht in Hospodarstwo

Galerie

dalši wobraz (1)
Bitte anmelden, um einen Kommentar zu posten

Serbska debata

Neuheiten LND