Daimler so znowa za Kamjenske stejnišćo wuprajił

Kamjenc (UM/K). Awtotwarc Daimler-Benz nima wotpohlad, zhotowjenje dźělow za baterije elektriskich awtow z Kamjenca do Stuttgarta-Untertürkheima přepołožić. Plany za Kamjenc so tak zwoprawdźa, kaž buchu wone swój čas publikowane a so ani kuska njezměnja, jedna z rěčnicow koncerna na wotpowědne naprašowanje wobkrući. Zawod w Untertürkheimje zapletu na hinaše wašnje do elektromobility, na přikład z produkciju kompresorow za ćěrjenje. „Kamjenca so to na žane wašnje njedótka“, rěčnica wudospołni.