Motor Kumwałd – Sokoł Ralbicy/Hórki 2:4 (1:2)
Zestawa hosći: Schöne – Lešawa, Matka (78. Šiman), Gloxyn, Schultz, Šewc, Domaška, Wałda, Kurjat (55. Rawš), Korjeńk, Bjeńš
Po njetrjebawšej a mjerzacej domjacej poražce přećiwo Módro-běłym z Kulowa nastupichu koparjo Sokoła Ralbicy/Hórki pola tak mjenowaneho najlubšeho přećiwnika w Kumwałdźe (Cunnewalde). Nimale přeco běchu sej woni wšitke dypki wottam sobu do Delan wzali.
Start do duela pola Motora bě za Sokołow optimalny. Hižo w 1. min. Gabriel Kurjat Fabiana Korjeńka derje posłuži, a Pěskečan wuži přihrawku k 1:0. Poněčim so hosćićeljo do hry namakachu. W 22. min. woni w srjedźnym polu derje kombinowachu. Třělwu z 20 metrow móžeše Willi Schöne jenož wotplacnyć, a hižo steješe 1:1. Do přestawki nasta z mjerwjeńcy po róžku za Sokoł dalši róžk. Tam bu Pětr Domaška potorhnjeny a sudnik postaji jědnatku, kotruž Korjeńk přetwori (42.).