Bursa nawrótnikow wjacore sta zajimcow přiwabiła

Montag, 30. Dezember 2019
Artikel bewerten
(0 Stimmen)
Měrćin Šěrak a jeho partnerka Claudia Hanšec informujetaj so na wikach „zaso tu“ wo móžnych powołanskich perspektiwach. Foto: Carmen Schumann Měrćin Šěrak a jeho partnerka Claudia Hanšec informujetaj so na wikach „zaso tu“ wo móžnych powołanskich perspektiwach. Foto: Carmen Schumann

Budyšin (CS/SN). Mjeztym 6. hodowna bursa Budyskeho wokrjesa za nawrótnikow „zaso tu“ přiwabi mnohich zajimcow, kiž běchu dźěła dla před lětami do starych zwjazkowych krajow wotešli, kotřiž pak su nětko na wopyće w swójbach abo pola přećelow w domiznje přebywali. Lěpšeje situacije na dźěłowych wikach dla chce wokrjes runje jich zdobyć, zo bychu so do Hornjeje Łužicy nawróćili. Wšako knježi w mnohich tudyšich zawodach wulka potrjeba fachowych mocow. Lětuša bursa wotmě so zańdźeny pjatk w Powołanskošulskim centrumje za hospodarstwo a techniku na Budyskich Schillerowych zelenišćach. Kaž Andrea Prager z wobłuka hospodarske spěchowanje wokrjesa rjekny, běše zarjadnišćo wokrjesa, hdźež běchu wiki dotal přewjedli, přemałe. Lětsa je so 66 předewzaćow z rjemjesła, industrije a posłužbow prezentowało. Dale běchu bydlensko­twarske firmy pódla, kotrež nawrótnikam pomhaja bydlenje namakać.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND