Zornowc Hórki chětro twjerdy worjech był

Donnerstag, 09. Januar 2020
Artikel bewerten
(0 Stimmen)
Michała Młynka (srjedźa, Hórki) zadźeržeć njebě minjenu sobotu w Chrósćicach docyła tak lochko. Hrajer prěnjeho koparskeho mustwa Rakečanskeho ST bě z dźewjeć wrotami najlěpši třělc turněra wo pokal TCM.  Foto: Jörg Stephan Michała Młynka (srjedźa, Hórki) zadźeržeć njebě minjenu sobotu w Chrósćicach docyła tak lochko. Hrajer prěnjeho koparskeho mustwa Rakečanskeho ST bě z dźewjeć wrotami najlěpši třělc turněra wo pokal TCM. Foto: Jörg Stephan

Kóždolětny tradicionalny koparski turněr­ wo pokal Towarstwa Cyrila a Metoda (TCM) wotmě so minjenu sobotu­ w Chróšćanskej sportowej hali. Dypkownje w 15 hodź. bě tam na witanju šěsć mustwow.

Turněrowe wjednistwo wokoło Guida Zahrodnika dojedna so na to, zo hraje najprjedy raz kóždy přećiwo kóždemu. Po krótkim rozjasnjenju regulow prěnju hru zahwizdachu. W tej steještej sej hnydom dwě sylnej mustwje napřemo sebi: zakitowar titula Puklot a na tamnej stronje mustwo Čornobóh. Wobaj cyłkaj wobsteještej z koparjow Sportoweje jednotki 1981 Chrósćicy. Wurunana partija skónči so 3:1 za Čornobóh.

W dalšim přeběhu turněra wukristalizowachu so poněčim dalši faworića na dobyće. Zornowc Hórki a młode mustwo Kapałka United z Dobrošic běštej mjez druhim dalšej kandidataj na finale. Wšitke štyri mjenowane cyłki su so na kóncu tež za połfinale kwalifikowali.

W prěnim nastupi Čornobóh Chrósćicy přećiwo Kapałce United Dobrošicy. Mustwo Čornobóh, kotrež bě dotal kóždu hru dobyło, tež tutón nadawk suwe­renje zmištrowa a přećiwnika z 5:0 po­razy.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND