Korony dla je zajim dowolnikow za jónkrótnu krajinu hišće raz přiběrał
Bórkowy/Lubnjow (SN/at). Połne parkowanišća, syły ludźi – w ćežišćomaj błótowskeho turizma Bórkowach a Lubnjowje je so po přestawce koronapandemije dla to stało, na čož su so turistikarjo, wotnajerjo kwartěrow a hosćencarjo sčasom nastajili: Na prózdninski čas z jara wjele ludźimi, kotřiž pytaja w Błótach wočerstwjenje a wotstawk wot wšědneho dnja. Zo su wulke šulske prózdniny čas z najwjetšim nawalom dowolnikow, to za zamołwitych w městnymaj turistiskimaj informacijomaj ničo wosebite njeje.