Budyšin (SN/BŠe). Póndźelna mjezyrozprawa wo móžnych kónčnych składźišćach atomowych wotpadkow je wulku kedźbnosć zbudźiła, wšako je tež južny dźěl Łužicy mjenowany. Předewšěm kristaline kamjenje so za kónčny skład hodźa. Łužica z něhdźe 2 000 kwadrat­nymi kilometrami granita wuměnjenja spjelnja, měnja fachowcy Zwjazkoweje towaršnosće za kónčne składowanje (BGE). W mjezyrozprawje mjenuja woni cył­kow­nje 90 kónčin po cyłej Němskej.