Zaměrowy zwjazk Łužiska jězorina Braniborskeje prěni facit sćahnył
Hamor (AK/SN). Turizm na campingownišćach a z bydlenskimi mobilemi dale přiběra. To zwěsći předsyda zaměroweho zwjazka Łužiska jězorina Sakskeje Michael Harig (CDU) na minjenej zhromadźiznje ze susodnym zaměrowym zwjazkom Łužiskeje jězoriny Braniborskeje spočatk měsaca w Hamoru. „Potrjeba je wjetša hač mamy městnow. Gmejny su hižo reagowali, trjebaja pak podpěru při wotkryću nowych kónčinow“, tak Harig.
