Ćah mjez Zhorjelcom a Drježdźanami za serbsku rěčnu kampanju wabi

Budyšin (SN/at). Kampanja za serbsku rěč „Sorbisch? Na klar.“ ma z ćěridłowym wozom Krajneje železnicy na čarje mjez Zhorjelcom a Drježdźanami nowy multiplikator. Najebać krute zymske wjedro bu ćah w napadnych serbskich barbach wčera popołdnju na Budyskim dwórnišću w přitomnosći tójšto serbskeje prominency, Budyskeho wokrjesa, ZVON a železnicoweho předewzaća zjawnosći předstajeny. Wot 15 hodź. steješe nowy serbski pósłanc we wuchodosakskej železnicowej syći k zaručenju jězbneho plana k dispoziciji.