Trjebaja perspektiwu

Donnerstag, 25. Februar 2021
Artikel bewerten
(0 Stimmen)

Mjeztym druhe zastajenje zjawneho žiwjenja w běhu jednoho lěta ze zawrjenymi hosćencami, hotelemi a dalšimi dowolowymi přebywanišćemi turistisku branšu jara poćežuje. Po słowach Budyskeho krajneho rady Michaela Hariga (CDU) je połoženje katastrofalne. Při­wšěm widźi wón swětleško na kóncu tunla.

Budyšin (SN/BŠe). „Dźakuju so wšitkim turistikarjam, kotřiž dale kruće do wotewrjenja zjawnych domow wěrja a koncepty zdźěłuja.“ To rjekny wčera krajny rada Budyskeho wokrjesa Michael Harig (CDU) na digitalnej nowinskej konferency, kotruž je Marketingowa towaršnosć Hornja Łužica-Delnja Šleska (MGO) přewjedła. Zhladujo na minjene lěto 2020 je Michael Harig přiwšěm optimistiski. Straty z nalěća móžachu wjacore zawody zdźěla nachwatać. Byrnjež turizm po cyłej Sakskej chětro wosłabił, to za Hornju Łužicu a Delnju Šlesku cyle njepřitrjechi. MGO registrowaše loni 21,6 procentow mjenje přenocowanjow hač lěto do toho. Po cyłej Sakskej bě to porno tomu minus 35 procentow.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND