Město Kulow podpěruje system dobropisow za nakupowanje na městnje
Kulow (AK/SN). Domoródnym drobnowikowarjam, rjemjeslnikam, přemysłownikam a posłužbarjam chce město Kulow w koronakrizy pomhać. Dobropisowy system ma k nakupowanju w měsće a wokolnych wsach pohnuwać. K tomu wuznachu so čłonojo měšćanskeje rady na swojim wčerawšim posedźenju. Jednohłósnje woni wobzamknychu, zwoprawdźenje mjenowaneho systema z 2 500 eurami z měšćanskeje kasy spěchować. Dźěłowa skupina ma so prawje bórze wo nadrobnosće starać. Tajki system dobropisow běchu radźićeljo sami namjetowali.
