Błótowscy ratarjo z róstom lena spokojom – Woleńcy wulce naprašowane
Dwóry (SN/bn). Plahowarjo lena w Delnjej Łužicy liča lětsa z bohatymi žnjemi. To je předwčerawši facit wot Błótowskeho towarstwa pod hesłom „Błótowski lany wolij – Kćenje wolijowych sywow na polach“ na zahonje agrarneho prodrustwa Delnje Błóta w Dwórach (Dürrenhofe) wuhotowaneje nowinarskeje konferency. Najwažnišej faktoraj za to stej rozšěrjena plahowanska płonina – dohromady wusychu ratarjo regiona lane symjo na 160 hektarach, štož woznamjenja porno lońšemu rozrost wo něhdźe 15 procentow – a dobre wjedro.