Twarja najwjetšu płuwacu solarnu připrawu Němskeje

Freitag, 19. Mai 2023
Artikel bewerten
(0 Stimmen)
Na Liškowskim jězorje su twarske dźěła za płuwacu solarnu připrawu zahajili.  Foto: LEAG/Kathi Gerstner Na Liškowskim jězorje su twarske dźěła za płuwacu solarnu připrawu zahajili. Foto: LEAG/Kathi Gerstner

Choćebuz (SN/BŠe). Na Liškowskim jězorje sewjernje Choćebuza nastawa płuwaca solarna připrawa. Za to su dźěłaćerjo minjenu wutoru poslednje zakładne dźěła přewjedli a kótwicy za płuwace solarne module do zhusćeneho dna jězora zatwarili. Wažnu twarsku kročel su zamołwići woswjećili. K tomu su nawoda předewzaća Łužiska energija a milinarnje Thorsten Kramer, Choćebuski wyši měšćanosta Tobias Schick kaž tež jednaćel koncerna EPNE Dominique Guillou na twarnišćo přijěli a oficialnje twar płuwaceje solarneje připrawy swjatočnje zahajili.

„Najwjetša płuwaca solarna připrawa Němskeje na najwjetšim pohórnistwowym jězoru je pokazka na to, zo maja płoniny jónkrótny potencial. Naprawa zarjaduje so konsekwentnje do našeho transformaciskeho projekta GigawattFactory, z kotrymž chcemy Łužicu na přikładnu energijowu kónčinu přetworić“, Thorsten Kramer zwurazni. Blisko připrawy su hišće dalše naprawy předwidźane, hdźež ma so na zakładźe wobnowjomnych energijow milina produkować.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND