W Rěčicach su zawčerawšim 22. łužiske rybowe tydźenje zahajili
Rěčicy (AK/SN). Łužiski karp je po tradiciji dale ryba, kotruž rybarjo w regionje plahuja. „Mjeztym wjace hač 700 lět, potajkim přez wjele generacije, karpy w kónčinje plahujemy. Nimo toho spjelnja ryba z jeje kajkosćemi najwyše naroki na kwalitu hódnotneho zežiwidła. Nimo pstruhi je karp najnaslědniše žiwidło słódkowódnych rybow. Tak ma wysokohódnotne bělkowiny, jenož mało tuka a hodźi so na wšelake wašnje předźěłać“, podšmórny jednaćel Rěčičanskeho hatarstwa Helmut Tusche zawčerawšim na zahajenju 22. łužiskich rybowych tydźenjow. Zarjadowanje bě so we wobłuku 30. přirodoweho a rybarskeho swjedźenja na Erlichtec dworje w Rěčicach wotměło. Zhromadnje z hatarstwom je tamniša přirodowa a turistiska informacija zajimcow na swjedźeń přeprosyła.