Ani po wusudźe sudnistwa financowanje muzeja w Dešnje wěste njeje

Dešno (SN/mj). Stari Słowjenjo – rjemjeslnicy a wojacy muzeja pod hołym njebjom w Dešnje – su po dalšej wuspěšnej sezonje swoje stany wottwarili a so ze swojim podomkom wotsalili. Ale serbski domizniski muzej sam dyrbi dale wo swoju eksistencu wojować – najebać njedawny wusud zarjadniskeho sudnistwa w Choćebuzu. Zwada ze zarjadom hamta Bórkowy dźe dale, kotryž bě muzejej lěta 2020 swoju přiražku njejapcy šmórnył.