ST Marijina hwězda –

TSV Wjazońca 2:5 (2:3)

Zestawa domjacych: Wünsche – Čornak (60. Ladewig), Wróbl, E. Bulank, Hoge, Peschmann, Langer, R. Cyž, Clausen (39. F. Bulank), J. Pakoßnick, D. Jurš (72. Schmidt)

Po štyrjoch poražkach za sobu chcychu so koparjo Marijineje hwězdy skónčnje zaso do čary wuspěcha nawróćić. Wjazońca je w tabulce wokrjesneje ligi načolne mustwo a personalna situacija je pola Pančičanow dale chětro napjata. Znowa pobrachowaše trenarskej dwójce Frankej Schneiderej/Kai Frenzelej wulka ličba hrajerjow zranjenja, chorosće a dowola dla. To pak njebě hłowna přičina za to, zo so tež tuta partija přěhra.