W hotelu Best Western Plus w Budyšinje předstajichu srjedu połlětnu bilancu za wukubłanske wiki w Hornjej ­Łužicy. We wokrjesomaj Budyšinje a Zhorjelcu je aktualnje hišće 1 400 swobodnych wukubłanskich městnow.

Budyšin (SN/VaŽ). Šansy nastupajo wukubłanske městno w Hornjej Łužicy su tuchwilu jara dobre. Aktualnje so 1 520 młodostnych za wukubłanskim městnom rozhladuje. Tomu napřećo steji 1 404 njewobsadźenych wukubłanskich městnow. Wukubłanske wiki su potajkim nimale wurunane – přerězk je 1,1 požadar na wukubłanske městno.