ST 1922 Radwor –

ST Traktor Malešecy 0:3 (0:1)

Zestawa domjacych: Pěčak – B. Grubert, M. Dźisławk, Adam, Wjeńka, Paška (75. M. Grubert), Nuk (75. Hetaš), Schöne, Wencel, Glücklich, C. Dźisławk (90. Omran)

Na derbyju wočakowachu přihladowarjo a mustwje bojownisku hru z mnohimi ofensiwnymi akcijemi. Hosćićeljo bychu so nad dobyćom wjeselili a so w hornjej połojcy tabulki zaměstnili. Hosćo porno tomu trjebaja tři ličaki na kóždy pad, zo bychu hišće šansu na postup do wokrjesneje wyšeje ligi měli.

Hrajne podźěle chabłachu tam a sem a wobě mustwje měještej dobre a hubjene fazy, při čimž wobaj škitaj zwjetša derje zakitowaštej. W srjedźnym polu běchu wšitcy hrajerjo prezentni a tuž wjele dołhe bule hrajachu. Bě to bjezdwěla poměrnje wurunana hra, w kotrejž wobě mustwje swoje šansy dóstaštej. Wosebje w poslednich wokomikach móžeštej škitaj strašne šansy přeco zaso wotwobarać. Tola krótko do połčasa zhubi Radwor zamjet a Malešecy konterowachu ze swojimi spěšnymi nadběhowarjemi. Prěnju třělwu zamó wrotar Jacob Pěčak derje parěrować, tola dalša třělwa smaleše potom k 0:1 do wrotow.