Drježdźany (SN). Dalši wuspěch za sakskich wunamakarjow: We wobłuku wubědźowanja „Startup Factories“ zwjazkoweho ministerstwa za hospodarstwo słuša konsorcij „boOst Startup Ecosystem“ do kruha dźesać projektow, kotrež buchu po cyłej Němskej wuzwolene. Na „boOst“ je so ze Sakskeje wosom wysokich šulow z Drježdźan, Kamjenicy, Lipska, Freiberga a Mittweidy wobdźěliło, z Durinskeje přidružištej so jim Friedricha Schillerowa uniwersita a Wysoka šula Ernsta Abbe (wobě w Jenje). Koordinaciju matej Techniska uniwersita Drježdźany a uniwersita Lipsk w horšći. Nětko wočakuje konsorcij spěchowanje Zwjazka we wobjimje hač do dźesać milionow eurow a znajmjeńša runje telko pjenjez wot partnerow z industrije.