Towarstwo wčera swoje 25lětne wobstaće woswjećiło

Wulke Zdźary (AK/SN). Chorwatski obrist Janko Šajatović (1624-1704) a z toho nastata powěsćowa figura Krabat ma sylny potencial za Hornju Łužicu. Na to měło so zaso bóle dopominać a potencial wučerpać. „Wšitcy smy multiplikatorojo. Wšitke wsy su Krabat“, podšmórny Wolfgang Kraus, kotryž hižo 27 lět figuru Krabata předstaja a so tak z pósłancom Hornjeje Łužicy sta. Wčera su załožerjo, čłonojo a bywši čłonojo 25lětne wobstaće Krabatoweho towarstwa na Krabatowym Nowym wudworje we Wulkich Zdźarach woswjećili. „Měli wo Krabaće dale powědać. Měli zaso wuknyć, skromnje a jednorje žiwi być. Krabat je za to přikład“, Wolfang Kraus zwurazni.