Tanki město tramwajkow – tež w Serbach wo tym rozmysluja

Róžant/Drježdźany (SN/mb). Tam, hdźež su prjedy wagony twarili, produkuja nětko dźěle za tanki, po tym zo buchu tajke instrumenty za wójnu po přewróće rozrězane. Kak maja dźensniši młodostni na swět zhladować, hdźež to so stawa? Tež z tutym chutnym prašenjom je so farar Šćěpan Delan w swojim prědowanju na lětušim putnikowanju składnostnje swjedźenja Marije wopytanja tydźenja w Róžeńčanskej hnadownej cyrkwi zaběrał. Wěriwych, kotřiž so prašeja, što tuchwilny wutwar brónjenskeje industrije we Łužicy za nas woznamjenja, su jeho słowa jara jimali.