Lejno (AK/SN). Mjez Lejnjanskim a Parcowskim jězorom, při wotpočnišću blisko Borborineho kanala, nětko dwanaće šulerskich wuměłskich twórbow pućowarjow zawjeseleja. Šulerjo Wojerowskeho Léona Foucaultoweho gymnazija su wuměłske twórby zhotowili. To bě zhromadny projekt zaměroweho zwjazka Łužiska jězorina Sakska z gymnazijom. Wuměłske twórby su we wobłuku předkursa wukonoweho kursa wuměłstwo nastali. Na bywšich taflach pućnikow šulerjo motiwy narysowachu. Wone pokazuja přirodu, jězorinu, wulke brunicowe bagry a samo serbske motiwy kaž narodnu drastu a křižerjow. Nimo dwanaće wuměłskich twórbow je tam stołp, kotryž twórby rozjasnja. Z pomocu QR-koda móža so wopytowarjo wo temje wobhonić.