Kónctydźenske wuslědki (16.11.26)

Montag, 16. November 2026
Artikel bewerten
(0 Stimmen)

Po dwěmaj přěhratymaj hromaj k zazběhej do noweje hrajneje doby je prěnja garnitura Worklečanskich wolejbulistkow tež třeću winowatostnu dypkowu partiju přěhrała. Prěnja hra Worklečankow we wobwodnej lize je sobotu wupadnyła, dokelž měješe přećiwnik z Kundraćic přewjele zranjenych a chorych hrajerkow. Druhu hru wolejbulistki Viktorije Worklecy wokoło kapitanki Diany Hajnec přěhrachu: ST Viktoria Worklecy – Ochranowske Wolejfantki 1:3 (25:22, 18:25, 20:25, 19:25).

Prěnje wolejbulowe mustwo muži Sportoweho towarstwa Viktorije Worklecywobdźěli so njedźelu připołdnju w Ralbičanskej sportowni na předkole pokalneho cupa. Prěnje połfinale doby šěstka TuS Coswiga 3:2 (25:19, 28:30, 16:25, 27:25, 15:8) přećiwo SZ Großröhrsdorfej. W dalšim semifinalu přesadźi so hosćićelski cyłk Viktorije Worklecy 3:1 (18:25, 25:19, 25:20, 25:18) přećiwo VSV Oelsnitzej. Finale dobychu Worklečenjo 3:0 (25:19, 25:22, 25:13) přećiwo TuS Coswigej.

Veröffentlicht in Sport
Bitte anmelden, um einen Kommentar zu posten
Nowe poskitki LND namakaće w lětušim wudaću Nowinkarja!

Nowinkar 2026-27

Chróšćan Šulerjo

Midas Logo