W serbskich pěstowarnjach su dobrowólnicy rady witani

Biskopicy (SN/MiR). Dotal je so jenož jedna zajimča rozsudźiła, wukonjeć dobrowólne socialne lěto (FSJ) w jednym dźěćacym dnjowym přebywanišću w nošerstwje Serbskeho šulskeho towarstwa. Syć za dźěło z dźěćimi a młodźinu, KiJu w Biskopicach, pyta tuž dalšich, kotřiž chcyli wot septembra w jednym tajkim zarjadnišću skutkować. Partnerstwo mjez syću a SŠT traje hižo mnohe lěta. Kubłanišća orientuja swoje dźěło na optimalne spěchowanje FSJnikow. „Wšako sej pře­jemy, zo so někotryžkuli zajimc na powołanski puć kubłarja poda“, rozłožuje předsydka SŠT Ludmila Budarjowa.