Na serbskich šulach je wšitko za šulske lěto 2015/2016 přihotowane
Budyšin (SN/MiR). Serbske šule su derje na nowe šulske lěto 2015/2016 přihotowane. W někotrych su so w běhu šulskeho lěta twarske dźěła wotměli. Na Worklečanskej zakładnej šuli na přikład su rjadownju wobnowili a na tamnišej wyšej šuli su we wjacorych rjadowniskich stwach dźěłali. Na Budyskim Serbskim gymnaziju su mjez druhim nowy regal za šulske toboły w jědźerni připrawili. Ralbičanska šula skići po wutwarje a wobnowjenju jara dobre wuměnjenja.