„Dźiće do swěta, dokal so wam chce“

Montag, 20. Juni 2016
Artikel bewerten
(0 Stimmen)
Městopředsydka spěchowanskeho towarstwa Serbskeho gymnazija Maria Hantušowa wuznamjeni najlěpšich maturantow Patriciju Kralec (schowana), Madlenu Markec, Milenu Hrjehorjec, Josephinu Kretschmar, Floriana Bräuera a Rubena Zamoru- Gonzalesa (wotlěwa) ze Serbskim kulturnym leksikonom.  Foto: Tomaš Šołta Městopředsydka spěchowanskeho towarstwa Serbskeho gymnazija Maria Hantušowa wuznamjeni najlěpšich maturantow Patriciju Kralec (schowana), Madlenu Markec, Milenu Hrjehorjec, Josephinu Kretschmar, Floriana Bräuera a Rubena Zamoru- Gonzalesa (wotlěwa) ze Serbskim kulturnym leksikonom. Foto: Tomaš Šołta

„Wurjadny lětnik maturantow“, w tym běchu sej přitomni přezjedni, je swoje wuswědčenja zrałosće dóstał. Tež swjatočnosć sobotu na žurli Serbskeho gymnazija Budyšin bě wurjadna.

Budyšin (SN/at). Za swójbu so rozsudźić, maćeršćinu dale dać a přećelstwa ze šulskeho časa zachować – tele tři poručenja je swjedźenski rěčnik Danko Handrik lětušim maturantam Serbskeho gymnazija za nowy žiwjenski wotrězk sobu na puć dał. 36 dotalnych gymnaziastow bě sej jeho přeprosyło, zo bychu z jeho słowow nastorki za swójske wuwiće dóstali. Tajke zwurazni tež nawoda najwyšeho serbskeho kubłanišća René Wjacławk, dopominacy na ideale Jakuba Barta-Ćišinskeho. Wjacławk zmóžni zaćišć wo „wurjadnym lětniku“ a zhladowaše hromadźe z maturantami, jich staršimi a přiwuznymi na wjerški jich wosomlětneho přebywanja na gymnaziju, doniž swjatočnje zdrasćenych młodych ludźi njenamołwi: „Dźiće do swěta, dźiće, dokal so wam chce, rozhladujće so, rěčće we wšelakich rěčach.“

Veröffentlicht in Kubłanje
Bitte anmelden, um einen Kommentar zu posten

Anzeige