Hłójčku napinali Empfehlung

Mittwoch, 27. Juli 2016
Artikel bewerten
(0 Stimmen)
Kak wulke je drje torhošćo campa Querxenland we Wodowych Hendrichecach, běše jedyn nadawk, kotryž mějachu dźěći wčera wuličić. Tu pospytachu so raz Pawoł Haška , Niklas Šnajder, Bernadet Šnajderec a Antonius Šołta (wotlěwa).  Foto: Bianka Šeferowa Kak wulke je drje torhošćo campa Querxenland we Wodowych Hendrichecach, běše jedyn nadawk, kotryž mějachu dźěći wčera wuličić. Tu pospytachu so raz Pawoł Haška , Niklas Šnajder, Bernadet Šnajderec a Antonius Šołta (wotlěwa). Foto: Bianka Šeferowa

Prózdninski modus hdys a hdys přetorhnyć

Wodowe Hendrichecy (SN/BŠe). W prózdninach swoju hłójčku trochu napinać a tole z modernymi medijemi zwjazać steješe wčera na planje rěčneho lěhwa Serbskeho šulskeho towarstwa we Wodowych Hendrichecach. Tam organizowaše Michał Cyž tak mjenowany geocaching. Prózdninarjo, rozrjadowani do skupin, mějachu z pomocu digitalnych nastrojow a koordinatow nadawki na cyłkownje třinaće stacijach spjelnić. „Dźěći móža tu swój prózdninski modus raz přetorhnyć“, rjekny Cyž. K tomu je sej tež wón hłójčku łamał a kreatiwne nadawki přihotował. Na stacijach su dźěći na přikład wšelake elementy kaž wodu, drjewo abo metal kombinowali, zo bychu nadawki skónčnje spjelnili. Nimo ručneho dźěła pak móžachu tež swójsku wumyslenu stawiznu jako film natočić. Swoju motoriku trenować móžachu na staciji sačkitykanja. Na kompjuteru měješe Michał Cyž motorisku hru přihotowanu. Z nadawkom pokład serbskeho krala namakać, spytaše organizator serbski kontekst zapřijeć.

Veröffentlicht in Kubłanje
Bitte anmelden, um einen Kommentar zu posten

Serbska debata

Neuheiten LND