Dale žana jasnosć, hač so partnerojo na dobro wučerjow dojednaja

Budyšin/Drježdźany (SN/MiR). Wulke su wočakowanja na jednanja nastupajo zastaranje z wučerjemi w Sakskej. Dźensa wotmě so mjeztym jědnate koło, na kotrymž su so statna ministerka za kultus Brunhild Kurth, financny ministar Georg Unland (wobaj CDU), načolne dźěłarnistwo Sakskeho zwjazka wučerjow dbb a dźěłarnistwo kubłanje a wědomosć (GEW) z tutej temu zaběrali. Ministerka nadźija so bórzomneho dojednanja. Wona rjekny, zo widźi „bliski kónc“. Potrjecheni, wučerjo, starši, šulerjo, a mnozy dalši zajimcy pak mało zhonja.