Fachowa kubłanska konferenca LIPY a SŠT w Smjerdźacej so wotměwa
Smjerdźaca (aha/SN). Serbske šulske towarstwo (SŠT) a Smjerdźečanske Serbske kubłanske srjedźišćo LIPA stej sobotu dopołdnja mjeztym pjaty raz přewjedłoj fachowu kubłansku konferencu. Něhdźe 40 kubłarkow a kubłarjow kubłanišćow w nošerstwje SŠT kaž tež Dźěłaćerskeho dobroćelskeho skutka (AWO) wěnowachu so fachowym prašenjam. Do zahajenja konferency witaše šulerka Anne Kühnec w katolskej narodnej drasće wobdźělnikow z chlěbom a selu.
