Powołanskošulski campus na Schillerowych zelenišćach

Mittwoch, 15. März 2017
Artikel bewerten
(0 Stimmen)
Pohlad ze stareho twarjenja Budyskeho powołanskošulskeho centruma za hospodarstwo a techniku na Schillerowych zelenišćach na nowy kompleks z laborowymi rumnosćemi a dwupolowej sportownju. Prědku do ławki je signet jednoho fachoweho wobłuka kubłanišća zadypany. Na campusu maš za kóždy fachowy wobłuk ławku ze signetom. SN/Maćij Bulank Pohlad ze stareho twarjenja Budyskeho powołanskošulskeho centruma za hospodarstwo a techniku na Schillerowych zelenišćach na nowy kompleks z laborowymi rumnosćemi a dwupolowej sportownju. Prědku do ławki je signet jednoho fachoweho wobłuka kubłanišća zadypany. Na campusu maš za kóždy fachowy wobłuk ławku ze signetom. SN/Maćij Bulank

Budyski wokrjes za moderne wukubłanje 21,4 miliony eurow inwestował

Budyšin. Dźensa popołdnju je Budyski krajny rada Michael Harig (CDU) nowo­twar z laborami za wobłukaj elektro­technika a metalotechnika oficialnje přepodał. Budyski powołanskošulski centrum (BSZ) za hospodarstwo a techniku ma tuž nětko na Schillerowych zelenišćach jedne centralne stejnišćo.

Projekt wopřijima třiposchodowe nowe twarjenje, nowu dwupolowu sportownju, polěpšenu dotalnu pomnikoškitanu sportownju, parkowanišća, připrawy pod hołym njebjom, wotkryće ležownosće z medijemi kaž tež přiměrjenje wobstejaceho twarjenja. Wosebitostka je sportnišćo na třěše nowo­twara. Budyski wokrjes je nimale 21,4 miliony eurow inwestował, z čehož su 7,4 miliony eurow spěchowanske srědki. Z 0,6 milionami eurow spěchowachu fachowe kabinety, instalowane před lětomaj na dotalnym stejnišću na Lubijskej. Wone su do noweho objekta sobu přećahnyli.

Veröffentlicht in Kubłanje

Galerie

dalši wobraz (1) Mjez nowym laborowym (naprawo) a dotalnym twarjenjom (nalěwo) je campus nastał. Wobaj domaj zwjazuje mjezytwar, w kotrymž je mensa zaměstnjena. Přez njón maja šulerjo zdobom přistup do kubłanišća z parkowanišća za mopedy a kolesa.
dalši wobraz (2) W laborje za awtomatizacisku techniku we wobłuku elektrotechnika
dalši wobraz (3) Modernej CNC-mašinje maja we wobłuku metalotechnika.
Bitte anmelden, um einen Kommentar zu posten

Serbska debata

Neuheiten LND