Njeparujomna to institucija

Dienstag, 09. Mai 2017
Artikel bewerten
(0 Stimmen)

25lětne wobstaće dźěłanišća ABC potwjerdźa jeho wulku skutkownosć

Choćebuz (SN/MiR). Dźěłanišćo za serbske kubłanske wuwiwanje (ABC) w Choćebuzu ma perspektiwu. To bě cyle jasne dopóznaće wčerawšeho jubileja k 25lětnemu wobstaću zarjadnišća, kotrež kraj Braniborska cyły čas spěchuje, w klubowni serbskeho internata w delnjołužiskej metropoli. Nawodnica dźěłanišća dr. Christiana Piniekowa witaše na wšě połsta gratulantow z Hornjeje a Delnjeje Łužicy. Wšitcy skedźbnichu na wulku skutkownosć jónkrótneje serbskeje wědomostneje institucije. Předsyda Rady za serbske naležnosće Braniborskeje Torsten Mak wuzběhny jeje kubłansku a politisku dimensiju. „Tule dźěła horstka přewšo angažowanych ludźi, zo bychu kładli fundament za posrědkowanje delnjoserbšćiny“, rjekny předsyda Domowiny Dawid Statnik. Kaž Ana Kosacojc-Kozelowa, społnomócnjena za serbske naležnosće města Choćebuza, potwjerdźi, „participuje město ze skutkowanja ABC“.

Veröffentlicht in Kubłanje
Bitte anmelden, um einen Kommentar zu posten

Anzeige