Schrift vergrößern
Měsacy su so šulske nowački na swój prěni šulski dźeń wjeselili. Mjeztym su wone hižo wjacore hodźiny w šuli pilnje wuknyli. Tak tež Samira Smolic z Wudworja. Wona je nětko šulerka Worklečanskeje Serbskeje zakładneje šule „Michał Hórnik“. Do šule přewodźałoj stej ju dźensa mać a bratr. Foto: Feliks Haza
Budyšin (aha/SN/BŠe/MiR). Prěni šulski dźeń je za šulskich nowačkow kaž tež wučerjow połny napjatosćow a wužadanjow. Zańdźenu sobotu su najmłódši z wulkej cokorowej titu a tobołu na chribjeće prěni króć jako šulerjo přez próh šule stupili. Dźensa započachu wuknyć.
