We wobłuku projekta so z namocu rozestajeli

Dienstag, 22. August 2017
Artikel bewerten
(0 Stimmen)
Dźiwadło abo woprawdźitosć? Njezwučeny projekt je młodostnych Radworskeje wyšeje šule dźensa jimał. Foto: Carmen Schumann Dźiwadło abo woprawdźitosć? Njezwučeny projekt je młodostnych Radworskeje wyšeje šule dźensa jimał. Foto: Carmen Schumann

W njezwučenym projekće su so wuknjacy 8. a 10. lětnika Radworskeje wyšeje šule „Dr. Marja Grólmusec“ dźensa rano na emocionalne wašnje z temu namóc we wšěch jeje fasetach rozestajeli.

Radwor (CS/SN). Jara zadźiwanych bě dohromady 86 młodostnych, jako zhonichu, zo běchu runje dźiwadźelnikow dožiwili. Pjeć ludźi wšelakoreje staroby, rozdźělneje barby kože a wšelakoreho politiskeho zmyslenja su jim swoje nazhonjenja z namocu předstajili. Tak je neonaci mějićela aziatiskeho zakuskoweho předawanišća bił, dokelž bě tón jeho maćeri wupowědźił. Šulerka je tołstu sobušulerku mobowała a ju tak do samomordarstwa honiła. Wučer je šulerjej plistu dał, dokelž njemóžeše ignorancu šulerjow hižo znjesć. Młoda žona je přećiwo wumocowanju zakročiła a so při tym sama zrani. A barbny bu nadpadnjeny, je pak sam k werbalnej namocy chilał.

Veröffentlicht in Kubłanje
Bitte anmelden, um einen Kommentar zu posten

Anzeige