Serbšćinu chcedźa dale poskićeć

Donnerstag, 24. August 2017
Artikel bewerten
(0 Stimmen)
Składnostnje 25lětneho wobstaća Wojerowskeho křesćanskeho gymnazija Johanneum sadźichu na dworje kubłanišća šulerka Annina Newi, direktor Johanneuma Günter Kiefer, bywši Wojerowski superintendent a předsyda šulskeho nošerskeho to warstwa Friedhart Vogel a předsyda spěchowanskeho kruha Johanneuma Martin Bleidießel jabłučinu.  Foto: Andreas Kirschke Składnostnje 25lětneho wobstaća Wojerowskeho křesćanskeho gymnazija Johanneum sadźichu na dworje kubłanišća šulerka Annina Newi, direktor Johanneuma Günter Kiefer, bywši Wojerowski superintendent a předsyda šulskeho nošerskeho to warstwa Friedhart Vogel a předsyda spěchowanskeho kruha Johanneuma Martin Bleidießel jabłučinu. Foto: Andreas Kirschke

Wojerowski Johanneum integruje rěč wosrjedź wulkeje mnohotnosće

„Wšitko pruwujće, dobre dźeržće“ rěka napis­ w jědźerni Wojerowskeho Johanneuma. Pódla namolowaneje Janskeje­ cyrkwje steji tam citat na sćěnje­ w serbskej, jendźelskej, francoskej, ruskej, łaćonskej a grjekskej rěči. Tak pokazuje so bohatosć rěčow na křesćan­skim gymnaziju, kotryž swjeći tele dny swoje 25lětne wobstaće.

Andre­as­ Kirschke je so z jeho nawodu Günterom Kieferom rozmołwjał.

Kotru rólu hraje serbska rěč na wašim kubłanišću?

G. Kiefer: Serbšćina ma wysoku hódnotu. Wona je wot lěta 1992 kruće do šulskeho programa zapřijata. W přijimanskich rozmołwach za nowych šulerjow je wona kóžde lěto tema. To rěka, prašamy so šulerjow a staršich zaměrnje za jich zajimom za serbšćinu. Wabimy za rěč a pohnuwamy gymnaziastow, ju wuknyć. Wot wšeho spočatka maćer­norěčna Serbowka, wučerka Andreja Ryće­rjowa ze Šunowa, pola nas serbšćinu podawa. Chcemy tež přichodnje wučbu dołhodobnje a stabilnje z njej pla­nować.

Veröffentlicht in Kubłanje

Galerie

dalši wobraz (1) Günter Kiefer słuša wot lěta 1992 do kruha wučerjow na Wojerowskim Křesćanskim gymnaziju Johanneum. Wot lěta 2005 jón nawjeduje. Dwurěčne napisy su w kubłanišću samozrozumliwe. Tuchwilu maja tam 497 šulerjow a 45 wučerjow.
Bitte anmelden, um einen Kommentar zu posten

Anzeige