Lipa nětko z tafličku woznamjenjena

Mittwoch, 06. Dezember 2017
Artikel bewerten
(0 Stimmen)
„Lipa serbskeje fachoweje šule“ steji na tafličce, kotruž Bernd Nickel a Elke Jäckel při zdonku štoma připrawištaj.  Foto: Carmen Schumann „Lipa serbskeje fachoweje šule“ steji na tafličce, kotruž Bernd Nickel a Elke Jäckel při zdonku štoma připrawištaj. Foto: Carmen Schumann

W zelenišćach, wobdawace Fachowu šulu za socialnu pedagogiku w Budyšinje, su wčera při lětsa sadźenej lipje připrawili tafličku ze serbskim a němskim napisom.

Budyšin (CS/SN). Mjeztym ma lipa tež swójske mjeno. Wona rěka „Lipa serbskeje fachoweje šule“ (Fachschul-Linde). Bernd Nickel a fachowa nawodnica kubłanišća za socialne Elke Jäckel staj tafličku při zdónku štoma přičiniłoj. Na česć štoma připichu sej wučerjo ze škleńčku sekta. Nakup a wuhotowanje taflički bě jenož z podpěru sponsorow móžne. Kaž Elke Jäckel rjekny, njesymbolizuje lipa jenož­ serbskosć na kubłanišću, ale tež kajkosće, kotrež měł kubłar abo kubłarka měć. Přetož štom a tež kubłarjo měli měć korjenje, dyrbja sylne być a druhich škitać. Štom sadźiło bě přede­wzaće, kotrež bě so tež wo wuhotowanje cyłeje wonkowneje přestrjenje Powołanskošul­skeho centruma starało. Mjeztym lipa tam hižo poł lěta steji a so derje wuwiła.

Veröffentlicht in Kubłanje
Bitte anmelden, um einen Kommentar zu posten

Anzeige