Wšitko to zhonili, štož za studij trjebaja

Mittwoch, 21. März 2018
Artikel bewerten
(0 Stimmen)
Kerstin Richter (naprawo) z europskeje uniwersity Viadrina je na mnohe prašenja  Loreen Richter (2. wotlěwa) wotmołwjała. Foto: Constanze Knappowa Kerstin Richter (naprawo) z europskeje uniwersity Viadrina je na mnohe prašenja Loreen Richter (2. wotlěwa) wotmołwjała. Foto: Constanze Knappowa

Budyšin (CK/SN). Mnohotnosć poskitkow wuznamjenja kóždolětne wysokošulske wiki w Budyšinje. Mjeztym 21. je zańdźenu sobotu wulku syłu zajimcow přiwabiła. Loreen Richter by rady jura studowała. Abiturientka ze Zhorjelca bě ze swójbnymi na Budysku dźěłowu agenturu přišła. „W Zhorjelcu předstajeja so jenož regionalne wysoke šule, w Budyšinje je mnohostronskosć wustajerjow wjele wjetša“, 18lětna šulerka potwjerdźi. Na stejnišću Viadriny Frankfurt nad Wódru je so wona za móžnosćemi studija we wukraju wobhoniła. Studijna poradźowarka europskeje uniwersity měješe jej na mnohe klasiske prašenja kaž tež k němsko-pólskemu studijej juristiki wotmołwić. „Zajim za mjezy­narodnosć přiběra“, rjekny Kerstin Richter z Viadriny. To wobkrućeja ličba 1 700 wukrajnych ze 6 500 studentow Viadriny, kotřiž pochadźeja z 95 narodow, ale tež mjezynarodne wotzamknjenja. Na stejnišću Braniborskeje techniskeje uniwersity (BTU) Choćebuz-Zły Komorow běchu přede­wšěm socialne předmjety a studijne směry na polu wobswěta prašane.

Veröffentlicht in Kubłanje
Bitte anmelden, um einen Kommentar zu posten

Anzeige