Po dlěje hač lěće přihotow chce Drježdźanska Techniska uniwersita w Kamjenicy nowy studijny směr mediciny wutworić. Z nim chcedźa lěkarske zastaranje w Sakskej polěpšić.
Budyšin/Wojerecy (SN/MiR). Wot zymskeho semestra 2020/2021 chcedźa w Kamjeničanskim klinikumje połsta studentow mediciny wukubłać. Financowanje je mjeztym jasne. Sakska a Zwjazk nałožitej potom kóždolětnje 6,5 milionow eurow. Třo profesorojo a dalši trěbni sobudźěłaćerjo budu přistajeni. Rozšěrjeny poskitk ma zajimcow z regiona za studij mediciny wabić a tak lěkarski dorost wosebje w małych městach a na wsach perspektiwisce zawěsćić.