Drježdźany (SN/JaW). Wot kónca apryla rjaduja wobmjezowanja korony dla po wšej Němskej z tak mjenowanym „zwjazkowym borzdźidłom“, kotrež je tež za wokrjesaj Budyšin a Zhorjelc zawjazowace. Mjeztym wšak tež w Hornjej Łužicy sydomdnjowska incidenca dale spaduje. Tak ležeše wona w Budyskim wokrjesu dźensa po Roberta Kochowym instituće ze 108,1 šesty dźeń za sobu pod 165, štož rěka, zo smědźa po wukazach wo škiće přećiwo koronawirusej poprawom zajutřišim pěstowarnje zaso wotewrěć a na šulach wučbu we wotměnje poskićeć.