Normalny dźeń na powołanskej akademiji dožiwili

Freitag, 12. Januar 2024
Artikel bewerten
(0 Stimmen)
Zajimcy dožiwichu w Budyšinje zajimawe techniske pospyty.  Foto: Carmen Schumann Zajimcy dožiwichu w Budyšinje zajimawe techniske pospyty. Foto: Carmen Schumann

Budyšin (CS/SN). Konrad Domrös (zady nalěwo) je z Michendorfa pola Podstupima přijěł, jeno zo móhł wysokošulski dźeń Statneje studijneje akademije w Budyšinje wopytać. Šuler 12. lětnika wě hižo jara dokładnje, što wón chce. Z chorownju Charité w Berlinje ma wón hižo kruteho partnera poboku. W Budyšinje chce wón tohodla medicinisku techniku studować. Prof. Daniel Raabe (stejo) a kolega Mahdi Abdel-Hag, zastupnikaj wotnožki mediciniskeje techniki, staj zajimowanym gymnaziastam z pospytom dohlad do maćiznoweje techniki skićiłoj.

Kóžde lěto spočatk januara zarjaduja po wšej Němskej dźeń wysokich šulow. Šulerjo 11. a 12. lětnika dóstawaja swobodny dźeń, zo móhli so po wšelakich kubłanišćach rozhladować. Direktorka Budyskeje powołanskeje akademije prof. Barbara Wuttke rěči wo hoberskim nawalu. Za zahajacy přednošk dyrbjachu sej wjetšu rumnosć pytać. Přičina wulkeho wothłosa móhła być, zo ma so Budyska akademija wot 2025 z wysokej šulu stać. Tak móhli studenća tam wukubłanje z masterskim studijom zwjazać.

Veröffentlicht in Kubłanje
Bitte anmelden, um einen Kommentar zu posten

Serbska debata

Neuheiten LND