Krajny zarjad za kubłanje swoje problemy rozrisał a naše powjetšił

Budyšin (SN/MiR). Zakładna šula „Ćišinskeho“ w Pančicach-Kukowje a zakładna šula „Jurij Chěžka“ w Chrósćicach drje přeco hišće šulskeho nawodu nimatej. Kaž Krajny zarjad za šulu a kubłanje (LaSuB) na naprašowanje našeho wječornika zdźěli, so tuchwilu wobsadźenje pozicije za šulu „Ćišinskeho“ přihotuje. Rěčnica LaSuB Petra Nikolov wobkrući, zo so wo rozrisanje na najspěšnišim puću prócuja. Tola do zakónčenja zakonsce předpisaneho postupowanja žane informacije njewozjewjeja. Něhdyša nawodnica šule Jadwiga Čižankowa je so loni ze zastojnstwa na wuměnk rozžohnowała.